Wi över uns - www.liekedeler.com
Sie sind hier: www.liekedeler.com / Historie
.

Wi över uns

hochdüütsch

Jümmer wedder warrn wi froogt, wat de Naam "Liekedeler" bedüüt. Hier is nu also noch eenmal de Verkloorn: "Liekedeler" is dat plattdüütsche Woort för "Vitalienbrüder", de Lüüd üm Klaus Störtebeker un Gödeke Michel, wat de Friebeuter un Seeröver weern. Se delten allens to'n "lieken Deel". Un so maakt wi dat noch hüüt, wi delen allens to'n lieken Deel, de Freud an uns plattdüütsche Spraak un an uns Leder.


Wi drievt uns "Unwesen" mit Musikmaken - un dat allens (un blots) op Platt. 12 CDs hebbt wi al opnahmen un verkopen se bi uns Konzerten, över de Internetsiet oder noch ünner de Tel.-Nr. 04123 - 9 22 61 55 (Jörn Schröder).

Bilütten sünd nich mehr all to kriegen.


"Liekedeler" gifft dat siet September 1989. Vörher hebbt wi Musik bi de Trachtengrupp "Ueterst End" maakt un wullen denn endlich op egen Fööt stahn.
Vun de ole Liddmaten is nüms mehr dorbi. Jörn is 1994 dortokamen, Bert keem 1995, hett vun 2005 bet 2010 pauseert un is nu wedder dorbi. Gert is siet 2003 mit vun de Partie. Mit dat Wesseln vun de Muskanten kreeg ok uns Musik jümmer mol wedder en anner Klöör. Hüüt spelen wi mit Rhythmusgitarr, Bass, Waldzither, Fleit, Akkordeon, Keyboard un veel "Klöterkraam" för den Rhythmus.


Dusend Ideen hebbt wi noch in'n Kopp, de mit de Tiet all mal rut wüllt. Veel Arbeit, aver ok veel Spaaß liggen vör uns in de tokamen Maanden, denn jeedeen Johr maken wi ok en Reeg vun Wiehnachtskonzerten, de uns sünnerlich an't Hart liggen.


Wi freit uns al op Juun Besöök bi een vun uns Konzerten (kiek na bi de Termine ).
Freit Se sik ok! Bet dorhen!
 

 



Autor: root -- 01.12.2016; 13:29:07 Uhr

Dieser Artikel wurde bereits 1594 mal angesehen.



.

Suche